يا بشر تكفـون حلّـو عـن سمايـه
ما يصيب الهرج لو الهـرج صوبـي
كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي
عيبونـي وإتركونـي فـي عمـايـه
وإتركوا لي واحـد يرضـى عيوبـي
إتركـوا لـي واحـد يمسـح شقايـه
كل ما حـط الزمـن دوبـه و دوبـي
ذاك والله لـو ذكـرت إنـه ورايــه
أشعر إن الكـون كلـه وسـط ثوبـي
يكفـي إنـه لـو يسولـف للمرايـه
كن صوته يهمس لـصورتـه.. ذوبـي
كيف أنا مـا أذوب مـا دامـه معايـه
أسمعه و أسهر معـه لآخـر دروبـي
كل مـا قـال السهـر درب الغوايـة
قلت كلـه مـن عيونـك هبّلـوا بـي
وكل ما قـال الخطـا ماهـو خطايـه
قلت له قـل للعيـون السـود توبـي
ضيعتـنـي واســأل الله الهـدايـة
وين أجيب العقل.. أجيبه من جيوبـي
من يعرفـك مـا يـدل العقـل رايـة
يا شروق العمر.. مدري يـا غروبـي
أذكر انك كنـت لـي مثـل الهوايـة
لو تروح ولو تجـي يبقـى شحوبـي
بس مدري كيف صرت اليـوم غايـة
وصرت أجي و أروح مدري عن دروبي
يـا بعـد عمـر الكتابـة و القـرايـة
يا الشمالـي يابـو الملـح الجنوبـي
لا قريـت اللـي كتبتـه يـا رجايـه
رح وبلغ ربعـي اللـي جننـوا بـي
قلهـم يمكـن يخـلـون الوشـايـة
و إن تمادوا خلهم مهمـا حكـوا بـي
أنت خلك بـس فـي الدنيـا عزايـه
لا تفكر في العـواذل وأنـت صوبـي
أدري إن كـل درب ولــه نهـايـة
بس أنا باقـي معـك لآخـر دروبـي
الثلاثاء أغسطس 25, 2009 11:50 am